ରାମ ନବମୀ ପାଇଁ ପ୍ରସ୍ତୁତ ବାଲେଶ୍ୱର; ୧୭ପ୍ଲାଟୁନ ଫୋର୍ସ ମୁତୟନ

ଆଜିଠାରୁ ଦୁଇ ଦିନ ଧରି ହାଇ ଆଲର୍ଟରେ ବାଲେଶ୍ୱର। ରାମ ନବମୀ ପାଇଁ ବାଲେଶ୍ୱରରେ ସୁରକ୍ଷା ବ୍ୟବସ୍ଥା ବହୁତ କଡାକଡି କରାଯାଇଛି। ବାଲେଶ୍ୱରରେ ୧୭ ପ୍ଲାଟୁନ ଫୋର୍ସ ମୁତୟନ କରାଯାଇଛି। ସେଥିମଧ୍ୟରୁ ୩ କମ୍ପାନୀ କେନ୍ଦ୍ରୀୟ ଫୋର୍ସ ମଧ୍ୟ ମୁତୟନ ହୋଇଛନ୍ତି।। ଯେଉଁଥିରେ RAF, BSF, CRPF ରହିଛନ୍ତି। ଏଥି ସହିତ ଦଙ୍ଗା ନିୟନ୍ତ୍ରଣ ଗାଡ଼ି ବଜ୍ରକୁ ମଧ୍ୟ ମୁତୟନ କରାଯାଇଛି। ରାମନବମୀ ପାଇଁ ବାଲେଶ୍ୱର, ସୋର, ରେମୁଣା ଉପରେ ଅଧିକ ସତର୍କ ଦୃଷ୍ଟି ରଖାଯାଇଛି। ଏନେଇ ଗତ ୩ ଦିନ ହେବ ରେମୁଣା, ବାଲେଶ୍ୱର ଓ ସୋରରେ ଫ୍ଲାଗ ମାର୍ଚ୍ଚ କରି ପୋଲିସ ବିଶୃଙ୍ଖଳାକାରୀଙ୍କୁ କଡ଼ା ଚେତାବନୀ ଦେଇଛି। ଆଜିଠାରୁ ସହରର ବଡ଼ ବିଲ୍ଡିଂ ଉପରେ ମଧ୍ୟ ପୋଲିସ ଜଗିବ। ସେହିପରି ସୋସିଆଲ ମିଡିଆ ଉପରେ ଅଧିକ ନଜର ରଖିବା ପାଇଁ ଜଣେ ଡ଼ିଏସପିଙ୍କ ନେତୃତ୍ୱରେ ଏକ ଟିମ ମଧ୍ୟ ପ୍ରସ୍ତୁତ କରାଯାଇଛି ।