ରାଜ୍ୟର ସବୁ ସ୍କୁଲରେ ଲାଗିବ ସିସିଟିଭି କ୍ୟାମେରା; ସୂଚନା ଦେଲେ ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ନିତ୍ୟାନନ୍ଦ ଗଣ୍ଡ ।

ରାଜ୍ୟର ସବୁ ସ୍କୁଲରେ ଲାଗିବ ସିସିଟିଭି। CBSE ସ୍କୁଲ ଭଳି ସବୁ ସ୍କୁଲ ପରିସରରେ ଲାଗିବ ସିସିଟିଭି କ୍ୟାମେରା। ଏନେଇ ସୂଚନା ଦେଲେ ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ନିତ୍ୟାନନ୍ଦ ଗଣ୍ଡ। ଛାତ୍ରୀଙ୍କ ସୁରକ୍ଷା ପାଇଁ ଅନେକ ପଦକ୍ଷେପ ନେଉଛନ୍ତି ସରକାର। ରାଜ୍ୟର ସବୁ ସ୍କୁଲରେ ଆଇସିସି ଗଠନ ପାଇଁ ନିର୍ଦ୍ଦେଶ ଦିଆଯାଇଛି ବୋଲି କହିଛନ୍ତି ମନ୍ତ୍ରୀ। ଛାତ୍ରୀଛାତ୍ରଙ୍କ ସୁରକ୍ଷା ପାଇଁ, CBSE ଏହାର ସମସ୍ତ ସ୍କୁଲ ପରିସରରେ ଉଚ୍ଚ ରିଜୋଲ୍ୟୁସନ ସିସିଟିଭି କ୍ୟାମେରା ଲଗାଇବାକୁ କହିଛି। CBSE ‘ସ୍କୁଲ ସୁରକ୍ଷା’ ଅଧୀନରେ ଆଫିଲିଏସନ ବାଏ ଲ-୨୦୧୮ ସଂଶୋଧନ କରିଛି ଏବଂ ବୋର୍ଡର ସମସ୍ତ ଆଫିଲିଏଡ ସ୍କୁଲ ପାଇଁ ସିସିଟିଭି କ୍ୟାମେରା ଲଗାଇବା ବାଧ୍ୟତାମୂଳକ କରିଛି।

ଜାତୀୟ ଶିଶୁ ଅଧିକାର ସୁରକ୍ଷା ଆୟୋଗ (NCPCR)ର ମାର୍ଗଦର୍ଶିକା ଅନୁଯାୟୀ ନିଷ୍ପତ୍ତି ନିଆଯାଇଛି। ସୋମବାର CBSE ସଚିବ ହିମାଂଶୁ ଗୁପ୍ତା ଏକ ବିଜ୍ଞପ୍ତି ଜାରି କରିଛନ୍ତି। ଏଥିରେ କୁହାଯାଇଛି ଯେ ସ୍କୁଲଗୁଡ଼ିକୁ ସେମାନଙ୍କର ପ୍ରବେଶ ଏବଂ ପ୍ରସ୍ଥାନ ଫାଟକ, ଲବି, କରିଡର, ସିଡ଼ି, ସମସ୍ତ ଶ୍ରେଣୀ, ପାଠାଗାର, ପ୍ରୟୋଗଶାଳା, କ୍ୟାଣ୍ଟିନ ଅଞ୍ଚଳ, ଷ୍ଟୋର ରୁମ, ଖେଳ ପଡ଼ିଆ ଏବଂ ଅନ୍ୟାନ୍ୟ ସାଧାରଣ ଅଞ୍ଚଳରେ ଉଚ୍ଚ ରିଜୋଲ୍ୟୁସନ ଅଡିଓ-ଭିଜୁଆଲ ସିସି ଟିଭି କ୍ୟାମେରା ଲଗାଇବାକୁ ପଡିବ। କେବଳ ଶୌଚାଳୟକୁ ଛାଡିଦେଲେ ଅନ୍ୟ ସବୁ ଜାଗାରେ କ୍ୟାମେରା ଲଗେଇବାକୁ ନିର୍ଦ୍ଦେଶ।