ସାମ୍ବାଦିକଙ୍କୁ ପ୍ରବେଶ ନିଷେଧ ,ବ୍ଲକ ଅଫିସରେ ଲାଗିଲା ପୋଷ୍ଟର ବିଡିଓ ଏମିତି କହିଲେ

ଅକ୍ଷର ବ୍ୟୁରୋ : ସାମ୍ବାଦିକଙ୍କୁ ବ୍ଲକ ଅଫିସ୍ କାର୍ଯ୍ୟାଳୟକୁ ପ୍ରବେଶ ନିଷେଧ । ଗଞ୍ଜାମ ଜିଲ୍ଲା ସାନଖେମୁଣ୍ଡି ବ୍ଲକ କାର୍ଯ୍ୟାଳୟ ପରିସରରେ ବ୍ଲକ ଉନ୍ନୟନ ଅଧିକାରୀଙ୍କ ସ୍ୱାକ୍ଷରରେ ଲାଗିଛି ଏଭଳି ନୋଟିସ। ଆଉ ନୋଟିସରେ ବଡ଼ ବଡ଼ ଅକ୍ଷରରେ ଲେଖାଯାଇଛି, ‘ସାମ୍ବାଦିକଙ୍କୁ ପ୍ରବେଶ ନିଷେଧ ’। ଯାହାକୁ ନେଇ ଏବେ ସବୁଠି ଚର୍ଚ୍ଚା ,ତେବେ ଏଭଳି ପୋଷ୍ଟର ମାରିଛି କିଏ?, ନିଜେ ବିଡିଓ, ନା ଅନ୍ୟ କେହି ? ତାହାକୁ ନେଇ ଏବେ ଅନେକଙ୍କ ମନରେ ଅନେକ ପ୍ରଶ୍ନ | ଅନ୍ୟପଟେ, ଏହାକୁ ନେଇ ସାମ୍ବାଦିକଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି। ସ୍ଥାନୀୟ ସାମ୍ବାଦିକ ମାନଙ୍କ କହିବା ଅନୁଯାୟୀ ,ଗଣମାଧ୍ୟମର କଣ୍ଠରୋଧ କରିବାକୁ ବ୍ଲକ କାର୍ଯ୍ୟାଳୟରେ ଏଭଳି ପୋଷ୍ଟର ମରାଯାଇଛି | କାଳେ ବ୍ଲକ କାର୍ଯ୍ୟାଳୟର ଦୁର୍ନୀତି ପଦାକୁ ପଳାଇ ଆସିବ ତେଣୁ ସାମ୍ବାଦିକଙ୍କ ପ୍ରବେଶକୁ ନିଷେଧ କରାଯାଇଛି । ଯାହାକୁ ନେଇ ବିଡ଼ିଓଙ୍କୁ ପ୍ରଶ୍ନ କରାଯାଇଥିବା ବେଳେ ସେ ଏନେଇ କିଛି ଜାଣି ନାହାନ୍ତି ବୋଲି କହିଛନ୍ତି। ତାଙ୍କ କହିବାନୁଯାୟୀ, ମୁଁ ଜାଣି ନାହିଁ, କିଏ ଏଭଳି ପୋଷ୍ଟର ଲଗାଇଛି। ସାମ୍ବାଦିକଙ୍କ ପ୍ରବେଶ ନେଇ କୌଣସି କଟକଣା ନାହିଁ। ବ୍ଲକ୍ ଅଫିସ୍ ସମସ୍ତଙ୍କର, ସମସ୍ତେ ଆସିପାରିବେ। ଯେଉଁ ପୋଷ୍ଟର ଲାଗିଥିଲା ତାକୁ କଢା ଯାଇଛି, ଏନେଇ ତଦନ୍ତ କରାଯିବ।